martes, 11 de febrero de 2014
Arao común
Este Arao encontraronno na praia da concha en Espasante,onte 10 de febreiro de 2014, probablemente ferido polo temporal (non trataba de escapar)avisouse o Seprona para a súa recollida.
O CRFS (Centro de Recuperación de Fauna silvestre)que nos corresponde nesta zona e o de Sta Cruz de Oleiros na Coruña: Os telefonos son os seguintes: 981626241-690634708-686252554.
Esta é a ficha da Conselleria de medioambiente CMATI:
DESCRICIÓN
De tamaño medio, presenta as típicas cores dos pingüíns. A plumaxe nupcial ten as partes superiores e a cabeza de cor
escura, case negra. Peito e ventre moi brancos. Prolongación da boca de cor negra.
En inverno, presenta unha raia alar de cor branca, garganta e meixelas tamén brancas e parte superior da cabeza de cor
chocolate.
REPRODUCIÓN
O niño apenas é un monllo de algas e ramiñas colocadas ao chou nun resalte do acantilado. O único ovo ten forma de pera,
para que non rode cara ao mar.
ALIMENTACIÓN
A súa dieta está baseada en peixes e moluscos.
HÁBITAT
Esencialmente peláxico, só acode á terra para criar. En inverno recóllese en rías e estuarios máis protexidos, e incluso en
portos.
DISTRIBUCIÓN
É unha das aves mariñas máis abundantes do planeta, mais na península Ibérica tan só nidifica en Galicia. Para iso emprega
repisas en cantís rochosos e furnas na Costa da Morte, aínda que a finais do século pasado tamén nidificou nas illas Cíes e
Ons e en Estaca de Bares. Fortemente ligada ás augas mariñas, onde pasa gran parte do tempo descansando e na busca de
alimento (peixes peláxicos). Malia que é frecuente observar araos en augas galegas durante o inverno, estes proceden
fundamentalmente de colonias de reprodución británicas e francesas.
ESTADO DE CONSERVACIÓN
Na actualidade sobreviven tan só 2-4 parellas reprodutoras, e non máis de 20 individuos durante a época de reprodución en
Galicia, ameazados fundamentalmente pola mortalidade en artes de pesca e a contaminación mariña (especialmente os
vertidos de petróleo). A caza abusiva xogou un papel importante no descenso das súas poboacións a finais do século pasado.
CATEGORÍA DE CONSERVACIÓN
En perigo de extinción.
NOME COMÚN
Arao (Poboación nidificante)
NOME CIENTÍFICO
Uria aalge
CLASE
Aves
FAMILIA
Alcidae
Suscribirse a:
Enviar comentarios (Atom)
No hay comentarios:
Publicar un comentario